Foto de familia nun Domingo en Bici


As activistas máis cativas, na Semana Europea da Mobilidade

Actualmente somos máis de 50 persoas socias. Colaboramos voluntariamente nas asambleas e actividades que se desenvolven a Asociación Cívica Composcleta.

Paga a pena asociarse?

Ao asociarte á Asociación Cívica Composcleta, pasas a ser tamén persoa asociada a ConBici. Mediante esta coordinadora, tramitamos os seguros de Responabilidade Civil Individual, asistimos ás actividades, congresos e asambleas de ConBici, incluidos os seus grupos de traballo. Ademais disto, asociándote...

... coñecerás e compartirás experiencias e inquedanzas con outras persoas que empregan a bicicleta como medio de mobilidade sustentable na nosa cidade.

... realizarás presión nas institucións locais na procura dunha cidade máis humana e sostible.

... estarás en contacto co resto de asociacións ciclistas galegas. 

Como asociarse?

Para asociarte á Asociación Cívica Composcleta só precisas cumprir dous pasos:

1) Enviarnos unha mensaxe a bicis@composcleta.org co teu nome, apelidos, DNI ou Tarxeta de Residencia, e o teu número de teléfono.

2) Ingresar a cota anual de 15€ (o vencimento coincide co vencemento do seguro de Responsabilidade Civil Individual). As cotas das persoas socias permiten o pago da cota de ConBici, o seguro de Responsabilidade Civil Individual e as actividades da asociación. Estes son os datos para o ingreso.

Cota: 15 euros anuais 
Entidade: Caixa Rural Galega
Oficina: 0035 Santiago de Compostela
Titular: Asociación Cívica Composcleta
IBAN: ES49 3070 0035 2961 85140 123