Colaboramos coa Asociación as Marías na organización dunha volta ciclista ao seu barrio no marco das súas festas de barrio. Percurso: Pastoriça, Praça da Paz (rotunda diante da Junta), Joám XXIII, Jasmins, Sam Roque, Santa Clara, Coimbra, Jasmins, Sam Roque, Santa Clara, Rua de Baixo.
🚲💬 Orgullosas e orgullosos de acoller o XXI Congreso Ibérico «A Bicicleta e a Cidade»! Este ano 2025, Santiago de Compostela convértese no epicentro da mobilidade ciclista! Un punto de encontro fundamental para seguir repensando as nosas cidades desde a bicicleta, o urbanismo humano e a mobilidade sostible. Un espazo único para compartir experiencias, coñecer novas propostas, tecer redes co tecido ciclista de toda a Península Ibérica e avanzar xuntas cara a un modelo de mobilidade máis xusto e saudable.
Este sábado celebrarase xunto as Piscinas de Sar, un acto institucional no que abrirase parte da Ciclovía que conectará (Santiago - San Lázaro - Chus) co Milladoiro. O tramo en cuestión percorre polas Brañas do Sar e Estación Intermodal nun fito para a mobilidade sostible en Santiago de Compostela. Con esta importante inversión en infraestruturas, froito dos Fondos NextGeneration da UE e a iniciativa de por en marcha este proxecto por parte da Xunta de Galicia, acadarase un eixo seguro para a mobilidade en bici que no futuro próximo vertebrarase con novas obras noutros puntos da cidade.
Mediante o seguinte comunicado, a Asociación Cívica Composcleta manifesta o seu apoio á execución dun carril bici ou ciclovía entre os núcleos urbanos do Milladoiro e Santiago de Compostela, e que está a levar a cabo a Axencia Galega de Infraestruturas ao abeiro das políticas europeas para promover a mobilidade sostible. Semella que se está desvirtuando este proxecto dende a loita política. Porén, a proposta partiu dunha dunha asociación cívica, cun enfoque medioambiental e social, e que despois foi desenvolta por persoas funcionarias técnicas da Axencia Galega de Infraestruturas.
